我康復了 ！ (癌前病變) 尾期

28.07.2014至17.11.2014期間，(癌前病變) 的疾病被我戰勝了。

事原6、7月份期間，成日咳嗽同說話沙啞，睇咗街症幾次都無效。

28.07.2014 睇耳鼻喉專科，醫生用內窺鏡照到在喉嚨氣管有粒瘜肉。

31.07.2014 入聖保祿醫院進行微創手術割除，住了一晚醫院。

過了幾天醫院來電話回去睇報告，醫生說：切出嚟的瘜肉，化驗出係(癌前病變)尾期，再變就是(癌症)了，我同醫生商量後返回政府醫院跟進病程。

25/08 看耳鼻喉醫生轉介我去伊利沙伯醫院腫瘤科，安排咗01/09去見腫瘤醫生，他說你需要電療，當(喉癌)咁醫囉，後需要做電腦掃描、造面模又要等醫生畫電腦圖呀，時間需時，等了差不多個幾月。

然後安排由03/10開始為我放射治療又稱(電療)共33次。

直至17.11.2014 上午07.50時最後一電完畢了，醫生向我說：你完成了電療已OK冇嘢嫁喇！咁我問佢，我以後仲駛唔駛戒口，佢說唔駛，因為你呢個唔係(毒瘤)嚟。哈哈 ……我笑了！

17.11.2014 下午14.30時將軍澳(耳鼻喉)科見醫生，用內窺鏡再照喉嚨患處，說仲有D腫，要等佢退咗腫你就唔會沙啞嫁啦，現在少啲講嘢喇，冇嘢嫁喇！3月份定時回來覆診啦，我並向医生說聲道謝，拜拜！

我一生人好鍾意食的，有圖為証！

有些朋友，在我患病期間，見我仲成日做運動。

例如：跑步，行山，踩單車、仲話我係超人，其實我都係想強身健體去對付病魔啫。

好喇！現在你們應該明白了吧。

鳴謝以下 : ( 排名不分先後 )

(1) 聖保祿醫院(耳鼻喉)專科陳醫生。

(2) 將軍澳醫院(耳鼻喉)專科Rm24的醫生。

(3) 伊利沙伯醫院R4腫瘤科各醫生及放射治療2號机各員。

(4) 天使妹妹Connie給我指引明燈，使我得到最快的治療及送咁靚 的日本提子。

(5) 我的舊上司Billy，好有心，特別送給我的黑曜+舒俱來珠手鍊，抗癌健體喎。

(6) 我的行山好友梁Sir太太，送給我維他命E及潤膚膏。

(7) 我的女婿亞泉，多次由臺灣買回來的蜜糖，等我電療完必飲的(好清潤)。

最後我一定要多謝我的太太 (桃姐)，在我患病期間常常為我煮最美好的鮮魚湯，奶白色好好飲呵！

晚上一家人去太古城潮庭食飯慶祝吓！值得開心的日子。

各親友、跑步好友、行山好友、Facebook好友、WhatsApp好友

多謝你們的 ( 關心+慰問+祝福 ) ！

你們看看Facebook 有205 Like 我及My Blog 一日瀏覧都464人。

真係患病見真情，好温暖呵！

有你們的支持，我一定很快…. 很快…. 康復過來。

.

 我在這裏祝各位身體健康  !  預防勝於治療  !  開心每一天  !