白胸翡翠(寫真集) – 總有一天你會離開的

29.10.2016

總有一天你會離開的，真的來臨了，

已經四天沒有出現了，但我也有少少的傷感！

我与(白胸小B)相見都有三個幾月喇！

由小B開始唔識捉魚食，到可以自己捉到魚仔食。

又由唔識插水，後來變了插水高手的成長，全部都在我的眼底裏。

多謝你帶給我和影友的歡樂 !

你有時都好百厭，由這邊岸飛到對面岸，

我為了捕捉你的鏡頭，揸枝長鏡頭走嚟走去，都減咗5磅之多，身水身汗，仲辛苦過返工呀！

你的優點就係傻更更，唔怕人，個個影完都有收獲，笑住離開。

你係將軍澳灣畔徑海灣的大紅人嚟，值得驕傲的。

希望你去到另外一個世外桃園，過一個比較海灣更好的生活，

好在我也同你拍咗一些相片，留作美好的回憶，給大家分享吓。

02.11.2016 已第七天了，11.00時，我去海灣等小白胸翡翠至11.45時，都沒有出現，失望離開。