11.05.2013
09.45時集合：大埔墟火車站。
19人出發 。
大埔墟火車站(新達廣場), 轉乘64K 巴士往梧桐寨下車，經萬德苑上山，觀賞梧桐寨瀑布、有井底瀑布、中瀑布、主瀑布、散髮布，沿嘉道理農場下山收隊。
行畢8公里半。
跟住去大埔墟街市2/F伍仔記食晚飯。
~~~~~~~~~~~~~~~~~~~~~~~
又發掘到一隻 [黑豬獎] < 伍仔記 >
時間約17.45時開餐，11人叫咗9個餸菜、啤酒汽水狂飲，大家當時非常開心，後再加兩個餸菜及加多一碟炒飯嚟，果個亞婆唔知係咪老闆娘，好神氣咁回答，厨房師傅唔得閒炒飯吖！
咁早食客都唔係咁多人啫，唉喲 ~~~ 咁做生意點得！
我當時都唔係咁對勁，為咗大家開心，無理佢，繼續吹水，祝佢好運！
聲明 ：我本人表明立場，以後都唔會再幫襯呢檔所為[伍仔記]食肆喇。
e 響嘉道理農場出，冇俾人捉咩~~
另外~~間野係叫伍仔記呀
嘉道理農場出閘時，有職員問過我哋，我哋話係行山落嘅，咁你哋補票喇！啋Q佢都傻，我又冇座佢的車落山。
喵喵：好多謝你提點，已經更改咗就係呢檔 [ 伍仔記 ] 攞咗黑豬獎喇。
我先搵10個老同分10日上去伍仔記俾足錢食餐飽，但一定要食到見到有烏蠅老鼠屎，跟住話肚瀉，睇佢點拆。同時叫DO晚晚拒絕收消夜，兩個禮拜後單日搬一次，雙日搬兩次，隔離陸仔記照搬，唔信佢唔向你斟茶認錯。
Karee
1982
哈哈 〜〜〜 ！
好好笑呀，我同哨牙聰一様，信咗教了，我唔記仇的，我會放過佢的無知，聖母馬利亞！阿彌陀佛！