20.05.2013
(右膝頭哥)傷患都差不多年幾了，終於排到期。
14.30時去沙田威爾斯親王醫院睇矯形及創傷(骨科)。
未睇之前期望很大，見咗医生後期望跌至低點，
佢話我 [關節衰退、生骨刺及啲骨有D蝕咗]。
隻腳仲有啲撓撓地喎！
無得攪喇！你忍唔忍受到現在的痛楚吖?
(一) 忍到就咁囉，我俾D特效藥你食吓，
行山跑步呢D運動盡亮減少，最好去游吓水囉。
(二) 如果忍唔到痛，我諗最後要排期換關節手術了。
嘩 ~~~ 有冇咁嚴重呀！真係嚇死人咩。
我和偶像葉伯2009年攝的，佢都跑到80幾歲先冇跑，現在佢在老人院安享晚年，而我呢個李伯真係冇用，60多D就係咁先，死未！
不過我現在會繼續(跑步、行山)的，因為我仲未玩完我的至愛呀！
但我跑步同行山會俾以前會慢好多，因為上山落斜都係我嘅死穴，胶位較痛，千奇唔好笑我呀！仲要俾D鼓勵我吖! Ha Ha ~~~
人生不如意事，不用沒心機，如跑步和行山，我們可以一齊玩，
星期六或日會划龍舟，端午節會在西貢比賽。明
明C兄：
好多謝你唔嫌棄小弟，仲沉埋我玩，謝謝呀 !
Ah Li,每個人都有起落,不用灰心,前面d路等你走,慢唔緊要,只要你想走或行,身邊d跑友都會支持你的.
祝:早日康復,身體健康.
Kenny Choi
Kenny Choi :
有你呢句說話，就好似打咗一強心針，好過睇(骨科)，我一定會努力的。
你仍可跑步,不過就要龜跑,跑完隻腳冇大問題就好,有要停喇！
唔好想以前比賽点快,只想享受過程.
桃姐 ：
你係我最親的人，你比較清楚我的一切，我練(龜跑神功)已一年多了，仲要練到什麽時候呢？
只有天知！
隻腳有問題，就要聽醫生吩咐，無謂俾自己隻腳辛苦，長行長有總好過做艾朗西，曾經領導群雄風光過已經無憾，就趁此機會俾機會後生上位，得閒用隻冠軍獎杯裝杯酒歎一陣，已經夠爽兼夠豪。
Karee
Karee : 多謝忠告！
哈哈 ~~~ [艾朗西探長]呢套電視劇，我諗好多後生都唔知了，跑步生涯只攞過三次季軍咋，邊有咁本事攞冠軍吖！想到未想過。
我建議你多swim
係呀！夏天到，真係要去游下水先。