最近收心養性(係度養傷)所以好得閒，就同自己計一吓數
在退休5年幾，開始跑步人生路。
跑咗 4 個 [ 全馬拉松賽事 ] 有苦也有樂，
(1) 2010年 渣打全馬拉松 跑畢4小時21分
(2) 2011年 渣打全馬拉松 跑畢3小時59分
(3) 2011年 廈門全馬拉松 跑畢3小時55分
(4) 2012年 渣打全馬拉松 跑畢4小時35分
6 個半馬拉松，OK 喇 !
嘻嘻 ~~~ 都有所交代啦，最高興就係認識一班跑手。
********************************
2010年 渣打全馬拉松
我第一次跑全跑，心裏15,16想唔知跑唔跑得晒，落到跑道正正經經的去考驗吓自已，得咗喎，
當時心裏非常高興。
渣打馬拉松 2011.02.20
今年渣打馬拉松報咗1組，貪佢遲D起跑，可以睡耐D，06.45 時起跑 ， 當時落小雨 ， 都幾掃興，
在跑咗三四公里 ， 開始收雨，地吓濕哂 ， 要小心D跑 ，保持 5分鐘多啲 1公里， 腳頭好順，
在跑至 15公里左右，左腳前掌開始痛， 跟住右腳都痛埋，只好收慢步速，後跑到 26 公里痛楚加劇，
好驚會老抽 ， 都唔想再跑 ， 要差不多７分鐘 1公里，沿路係林士街及添馬艦處仲要行， 無哂力水 ，
好似成個人散哂，係咁畀人，真係肉酸，挨到駱克道近紀利佐街處，見到長跑網友及一些跑手，
大叫 AH LI 加油呀 ! 我苦笑一吓，好多謝佢地幫我加油 + 加氣 !
於是就出埋D飲奶力，向終點衝去 ….. 時間啱啱好 3小時59分
唉 ….. 近來天氣寒冷又落雨， 疏操收貨喇 ! 今次真係跑得好辛苦的一次馬拉松賽事啊。
2011年 廈門全馬拉松
今次第一次出外跑馬拉松賽，有太太及長跑網隊員陪同，較早時聽人講過話好好跑的，08.00時起跑，起步時塞人，頭一公里跑咗要7分鐘之久，跟住就鬆哂人流，約5分幾1K左右向前跑，天氣當時約7度左右都幾凍吓，後跑到15K時，左腳前脚板底位置陣陣痛楚，為有慢少少跑，一路痛到去到40K時，睇吓手錶仲有17分鐘時間先至四嗰鐘頭，內心笑住向終點進發，一定可以不用4小內完成， 到達終點係 3 小時 55 分。
好高興達成預期目標
沿路有好多市民打氣，非常熱鬧，打鑼打鼓，又送出食物有(糖果、香蕉、餅干、饅頭),飲品等等 …..跑畢旅行社安排飯後去浸温泉，好正呀 ! 消除疲勞，舒服哂 ….
2012渣打全馬挑戰組42公里
今次跑渣馬最辛苦的一次，負傷又無操練長課上陣，開跑前仲落微雨，跑落又出太陽，在跑到26Km左右，右膝又唔聽話 ， 隱隱作痛 ， 將速度減慢 就住就住嚟跑，心諗如再惡化，真係要上車喇 唔好夾硬嚟，痛痛吓又一公里，我是個隱得痛的人，又唔想另大家失望，為有撑落去，拐吓拐吓咁跑，沿路有好多認識的跑手，大叫 AH Li 加油呀！ 好多謝佢哋， 為有撐落去，繼續跑，跑至駱克道、東角進、紀利佐治街一帶，有好多啦啦隊，非常熱鬧。
見有我(太太)+消閒會+長跑網成員的啦啦隊，為小弟打氣，而令我非常感動，眼有淚光 將腳步加快，向維園終點進發， 哈哈 ~~~~ 我勝利了 …… 時間4小時35分，非常滿意 。
腳傷好咗又出山喇！跑慢啲唔好搏命。 :blush:
感激感激！有你的支持就夠了。 :goat:
Ah Li, 一剎那的光輝, 已是永恆 ^___^
祝願開開心心, 零壓力, 繼續跑步人生路 ^.~
多謝你呀！你係新進跑手[明日之花]嚟，努力接棒吖。 :yes:
AH Li sir, 好野. 我都想跑到sub 4..
英明： 世上無難事，只要你有目標，就可以了。 :bunny:
your blog is so nice, i like it,thank you!
於 19 秒前
.阿李叔~~~HIHI~~,你好呀~~~! 好耐無同你聯絡啦~~~! 唔知你仲有無印象記起我呢~~~? 我哋以前久唔久都喺yahoo blog傾計架~~~! 都係傾跑步既呢~~~! 今日得閒於是上去你個yahoo blog睇,知你搬家了,以後會多啲返嚟同阿李叔你再傾吓長跑既事囉~~~! 11年我生BB,無去跑渣馬。12年玩左半馬,限時內完成啦~~~。明年同個朋友又再膽粗粗、傻更更去玩全馬,但而家都仲係練到10K,4得~~~! 因為要湊BB,無咩時間練,但我會盡量練囉~~~! 若然出年我可跑畢全程,會係神蹟降臨我身上~~~哈哈~~~!! 我只期望跑多過上次失販既全馬多啲(汀九橋)就好囉~~~~!!
waitingfordanny :
好高興你嚟探我呀！以後有時間就多D到訪喇！右膝頭哥傷咗有8个月，我依家跑步大不如前了，我今年都有報渣打全馬，都唔知跑唔跑到，都時再算喇，大家都要努力呀 ！！！
阿李叔~~,好既~~大家加油,好好享受當天既跑程~~~哈~~~
我唔係好識用你個新blog,我係waitingfordanny呀~~~,上一段係我既留言~~~
好容易用啫，如果你有用Facebook 就登入帳戶名稱，再進入 My Blog 咁你就會有人頭相片及名稱喇，做一次就得喇，佢會有紀錄的，如果無就會俾你做訪客，要你自己表露身份囉。