樂善盃

我退休後才跟一班同僚去學行山，早期係無隊名的，跟住人數增多，仲有埋隊名

叫 [ 遠足樂 ] ，行山當時個個都係我師父嚟，呢5年幾我曾報咗 [ 樂善杯 ] 去比

賽，已有三屆有兩次仲攞到背囊添，嘻嘻 ….   都有D成績，可以自我安慰一吓，

我記得我已故開山祖師(米高)，曾同我講過，見好即收 ！ 而家係時候退出此比賽

了。

我唔參加此項賽事，但來年我都已經在 [ 遠足樂 ] 揾咗三位高手接棒 。

(一) 我行山師公 ( 鍾Sir ).

(二) 明日之星 ( Anna) .

(三)  ( 德哥 ) .

我睇好佢哋，可為 [ 遠足樂 ] 爭光，但如果佢哋三位全部甩我底的話，我會考

慮出山的，否則我都唔喇！

 

樂善盃   13.12.2009  (30公里)

09.00時開跑，呢嗰賽事係我第一次參加

塲面都好熱鬧，好開心現塲見到有 (將軍澳中哥)  (Kennis)

(Raymond)  (鍾Sir) 及 (T記舊同事)

賽事完成  時間5小時

樂善盃  12.12.2010

北潭涌(起點)  –  蚺蛇坳  – 長咀 – 鹹田灣 – 大浪西灣 – 西灣亭 – 北潭涌 (終點)  <  30 公里 >

09.00時起跑，天氣涼涼哋，無太陽好好跑喎，沿路我都保持均速去跑，無谷度在跑到28Km時，比較辛苦一點，在終點 200 M，半行半跑的衝過終點，時間 4小時 6 分鐘，先進組別第 38 名，畀舊年快足足 59 分鐘，今年賽前都沒有操過此山路段，噢 ~~~   真係神經刀嚟，哈 …. ! 今次攞到獎品背囊了，無白跑，我都好滿意。

~~~~~~~~~~~~~

樂善盃 13.12.2011

2011.12.11，09.00時起步 由北潭涌(起點)  –  蚺蛇坳  – 長咀 – 鹹田灣 – 西灣亭 – 北潭涌 (終點) 30公里，天氣寒冷有陽光，山上好大風，今年的賽事，有好多山路擠塞人龍， 一個跟一个，想快都唔得，參加人數 3500 人，大會總名次：第 463 名，跑畢全程 4 小時 10分鐘，先進組第 50 名，攞到獎品有背囊、帽及頭巾 。